உருளைக்கிழங்கு, பீற்ரூட், பூசினி ஆகிய மரக்கறிகளே திருடிச் செல்லப்பட்டுள்ளதாகவும் விவசாயிகள் தெரிவிக்கின்றனர்.
அறுவடைக்கு இன்னும் சில நாட்களே உள்ள நிலையில் பயிரிடப்பட்டிருந்த பல பாத்தி உருளைக் கிழங்குகள் பிடுங்கி எடுக்கப்பட்டு திருடிச் செல்லப்பட்டுள்ளன.
இந்நிலையில் தனது தோட்டத்தில் மட்டும் சுமார் 300 கிலோ வரையான உருளைக் கிழங்குகள் இவ்வாறு திருடிச் செல்லப்பட்டுள்ளதாக பாதிக்கப்பட்ட விவசாயி ஒருவர் தெரிவித்தார்.
மேலும் அதேபகுதியிலுள்ள விவசாய நிலத்தில் பயிரிடப்பட்டிருந்த சுமார் 150 கிலோ பீற்ரூட்டும் களவாடப்பட்டுள்ளது.
தற்போது குடாநாட்டில் மரக்கறி விலைகள் அதிகரித்த நிலையில் மரக்கறிகள் திருடப்படுவது விவசாயத்தையே வாழ்வாதாரமாக நம்பியுள்ள எங்களை கடுமையாக பாதித்துள்ளதாகவும் விவசாயிகள் கவலை தெரிவித்தனர்.
மேலும் இந்த சம்பவங்கள் தொடர்பாக சுன்னாகம் பொலிஸாரின் கவனத்திற்கு கொண்டு செல்லப்பட்ட போதும் பொலிஸார் இதுவரை உரிய நடவடிக்கை எடுக்கவில்லை எனவும் பாதிக்கப்பட்ட விவசாயிகள் விசனம் வெளியிட்டுள்ளனர்.